Plebisito sa gisanta sa korte
DI mahinayon ang pagpahigayon sa plebisito sa pagbuak sa barangay Guadalupe siyudad sa Sugbo human niluwat ang korte og temporary restraining order (TRO).
Si Regional Trial Court (RTC) Branch 58 Judge Gabriel Inglis maoy niluwat sa TRO human niya nadungog ang habig sa petitioner nga si Labangon barangay konsehal Victor Buendia ug sa Commission on Election (Comelec).
"The Manny Pacquiao Blog". Click here for stories and updates on the Filipino boxing champ.
Ang TRO nga molungtad hangtod sa 20 ka adlaw giluwatan samtang wa pa maresolbar sa korte ang petisyon ni Buendia.
Ang korte nipahigayon sa husay kagahapon sa hapon. Atol sa husay giangkon ni Cebu City South Election Officer Edwin Cadungog nga wa siya masayod sa gidaghanon
Nasayran nga si Buendia, residente sa Rosalina Village, ang nisang-at og petisyon sa korte pagpugong sa plebisito kay duna pay kasungian sa boundary sa Banawa ug Labangon.
Gikuwestyon ni Buendia nganong ang Rosalina Village mahisakop na unya sa Banawa sa higayon nga kini mabuwag sa Guadalupe.
Atol sa husay giangkon ni Cebu City South Election Officer Edwin Cadungog nga wa siya masayod sa gidaghanon sa mga lumolupyo sa Rosalina Village nga nagparehistro sa Labangon.
Bisan niini, buot sa korte nga hatagan og katungod ang mga lumolupyo sa Rosalina Village nga makaapil sa plebisito.
Ang mapa nga naaprobahan ubos sa Republic Act (RA) 9905 kun An Act Creating a Barangay to be known as Barangay Banawa-Englis in the City of Cebu nga giuyonan ni Presidente Gloria Macapagal Arroyo niadtong Enero 7 nagpakita nga ang Rosalina Village lakip sa pormahon nga Banawa-Englis.
Dunay mga lumolupyo sa Rosalina Village nga rehistradong mga botante sa Labangon, busa di sila makaapil sa plebisito.
Mga rehistradong botante lang sa Guadalupe ang makaapil sa plebisito.
Nipasangil si Buendia nga wa magtagad si Labangon Brgy. Capt. Felix Abella sa isyu sa mga lumolupyo sa Rosalina Village.
Iyang gibasol ang pulitika nga maoy nakaingon niini kay isip first councilor sa Labangon, kon mahisakop na ang village sa Guadalupe, di na siya makadagan pang kapitan sa Labangon.
Samtang pareho hinuong gikasagmuyo sa grupong yes ug no vote ang maong kalamboan.
Nasayran nga ang United Banawa-Englis Association Inc (UBEAI) maoy nangusog alang sa yes vote samtang ang mga opisyal sa Guadalupe ang pabor sa no vote.
Si Jeffrey Cartilla, bise presidente sa UBEAI, nga nahinabi sa telepono sa Sun.Star Superbalita niingon nga dakong kadaot sa ilang mga paninguha ang court order apan wa silay mahimo gawas sa pagtuman.
“Dako gyud kaayong kadaot sa among effort, sa among pagsakripisyo kay grabe na ang among kahago aron unta madayon ang plebisito pero wa mi mahimo kay order man sa korte,” nagkanayon si Cartilla, kinsa nagduda nga laing pagmaniobra na usab kini sa ilang kaatbang aron di gyud mabuak ang Guadalupe.
Samtang si Guadalupe barangay konsehal Dino Faelnar niingon nga “bad news” usab alang kanila ang maong kalamboan kay sila mismo gusto nang mahinayon ang plebisito aron mahibaw-an na gyud ang tingog sa barangay.
Matod niya nga andam na gyud unta sila sa plebisito karong Sabado.